Davao City— Wala pa gihatagan ug accreditation gikan sa Commission on Election kun Comelec ang National Citizen’s Movement for Free Election kun NAMFREL isi election watchdog sa nagsingabot nga Mayo 13, 2019 Mid-Term eleksiyon sa Nausd.
“As far as we are concerned, we are not yet accredited and we haven’t received a resolution coming from them,” ang pahayag ni Namfrel secretary general Eric Jude Alvia atol sa gihimong Namfrel Mindanao Regional Assembly sa Royal Mandaya Hotel dili pa lamang dugay.
Sumala pa ni Alvia nga hingpit na silang nakaduso ug request for Accreditation sa Comelec niadtong nakalabayng Sisyembre 2018 apan hangtud ning tungura, wala pa gihapon sila makadawat ug communication sa comelec.
Gipasibaw ni Alvia ang nahisgutang isyu human nga ang Parish Pastoral Council for Responsible Voting’s ingon man ang Bangsamoro Free Election Movement duna nay accreditation sa comelec. Nasayran nga ang NAMFREL maghimo ug monitoring sa Automated Election System ingon man motabang sa Commission on Election alang sa pagpahigayon ug Random Manual Audit, buot usab karon sa NAMFREL nga mohimo ug disenyo ug mopatuman sa Open Election Data Website diin ang transmission lakip ang Tabulation sa election result mamonitor sa saktong oras.
Niining kasamtangan, ang NAMFREL kun National Citizen’s Movement for Free Election duna nay gibana banaang 30 mil ngadtu sa 40 mil ka mga Volunteers sa tibuok nasud.