Dakpan ang duha ka de dropper sa pinaugang dahon sa Marijuana atol sa gipahigayong joint buy bust operation sa mga personahe City Drug Enforcement Unit Gensan, Police Station no.6, Regional Police Drug Enforcement Unit Region 12, City Intelligence Unit-GSCPO, CMFC-INTEL, CI-Gensan, MARSPTHA, RID12, ug RIU12, alas 05:59 sa kahapon niadtong adlaw nga Sabado (April 16,2022) sa Safi Labao Road, Zone 6, Brgy. Bula ning syudad sa GenSan.
Giila sa kapulisan ang mga dinakpan nga silang John Paul Botanas Nerio, Alyas “El Limnon”,29 anyos, adunay kapuyo, ug laing usa ka Leonardo Balagat Casin, Alyas “Jack”, 23 anyos, ulitawo na parihong mga residente sa Prk. Balunto, Brgy. Labangal ning syudad. Kung asa wala na nakapalag ang mga suspek dihang positibong napalitan ug illegal nga droga sa usa ka pulis nga nagtakuban isip pursuer buyer.
Nakuha gikan sa posisyon sa mga suspek ang mga kadaiyang plastic sachet sa gituhoang pinauga nga dahon sa marijuana ingon man buybust money na 500 pisos.
Kahinumduman ang mga nahisgutang suspek usa sa mga nagapamaligya og pinaugang dahon sa marijuana diri sa syudad sa Gensan, pinaagi sa online transaction na kung asa ilaha lang ginalubong or ginabilin ang ilang ginabaligya nga illigal nga druga sa usa ka dapit diin didto lang kuhaon sa magpalit.
Sa karon ang duha ang balhog na sa lock-up cell sa Police Station 6 ug ginahikay na ang kasong pagsupak sa section 5, ug Sec. 11 sa Article 2 sa R.A 9165 kon Comprehensive of Dangerous Drugs Act of 2002.
(Source: PDEA 12)