- Advertisement -
GENERAL SANTOS CITY- Ipahigayon sa Commission on Election kun Comelec-GenSan ang final testing and sealing sa mga vote counting machines kun VCM nga gamiton sa eleksyon karong adlaw’ng Lunes, Mayo 13.
Sumala pa ni Atty. April Mitchor Miguel, City Comelec Officer nagsugod alas 4 sa kaadlawon kaganina gihatud na sa 55 ka mga eskwelahan ang 341 ka mga vote counting machines.
Dugang niini nga hugot nga ginabantayan sa mga pulis ug sundalo ang VCM gikan sa regional hub padulong na sa mga polling place.
Bag-ohay lamang gipahigayon ang final testing and sealing nga dumalahan sa mga magtutudlo, aron masulayan ang mga VCM.
Giklaro usab niini nga kun dili mogana ang VCM duna pay reserba ang Comelec.
- Advertisement -