Dipolog: Linggo ng Kabataan 2022 sa Dapitan, gitapos na mabulokon

0
1

Madanihong gipahigayon ang “Obstacle Color Fun Run” duyog sa pagselebrar sa kataposang adlaw sa Linggo ng Kabataan 2022 nga gisalmutan sa 60 ka mga batan-ong lumulopyo sa Dakbayan sa Dapitan nga gisugdan sa Dapitan Aqua Marine Park (DAMPA) hangtod sa Glorious Fantasyland Open Parking kaniadtong adlaw sa Miyerkules, Agosto 17 ning tuiga.

Visit RPN DXKD Dipolog

Adunay mga “obstacles” ang maagian sa kompetisyon sa kada estasyon: Water Spray, Zigzag, Hurdles, Rock Throw, Crawl, Rubber Maze, ug Sack Race. Subay niini, Ang mga mananaug sa 4 ka kilometro nga distansyang dagan mao silang Clark Clinton Piamonte (1st Prize), Zach Agolong (2nd Prize), ug Alvin Pasang (3rd Prize).

Giubanan kini sa Bar-R-Camp Athletes Organization nga giulohan sa usa pud ka Dapitanon nga si Norman Estoque.

Ang mga mananaug sa nagka lain-laing kompetisyon mao ang: Volleyball Men Champion – Cluster 5, Beach Volleyball Champion – Cluster 10, Basketball 15-17 years old – Cluster 7, Basketball 18-25 years old – Cluster 7, Frisbee Champion – TNF Team, Mobile Legends Tournament Champion – Horos Esports. Nakadawat usab ang atong mga manunula matag cluster og minor ug major awards.

Gipasalamatan usab sa Sangguniang Kabataan Federation Council sa dakbayan ang Provincial Government nga gipangulohan ni Governor Rosalinda G. Jalosjos, City Government of Dapitan nga gipangulohan ni Mayor Seth Frederick P. Jalosjos, ug ang uban pang mga opisina sa gobyerno sa malampusong pagsaulog.

Matod pa sa gisaysay ni SKF Vice President, “In behalf of the SK Federation Officers, akong dakong pasalamat sa mga participants, mga kauban nakong SK Chairpersons  ug sa uban pang mga personahi na nitabang ug niduyog ning atong kalihukan. Hinaot na magkauban gihapon kita sa mga sunod pang kalihukan ning atong administrasyon.”

(Source: Dapitan City Information Division Facebook page)

LEAVE A REPLY

Please enter your comment!
Please enter your name here