Nahimong maduguon ang Biyernes sa kagabihion, Septembre 23, 2022, pasado alas 8 sa gabii, didto sa Crossing sa Springwoods Village, National Highway,Barangay Tulay, Lungsod sa Minglanilla,Probinsya sa Sugbo.
Ang sakyanan nga nalambigit usa ka motorsiklo ug usa ka Ford Everest wagon.
Ang biktima nga namatay mao si Janrenan Omambac, 38 anyos ang panuigon, taga Baragay Colon, Dakbayan sa Naga, driver sa single nga motor.
Giila usab ang mga nangaangol nga sila si Nencris Omambac,31 anyos ang panuigon, ug Mark Lester Padillo, 33 anyos ang pangidaron, puros sila lulupyo sa Barangay Colon, Dakbayan sa Naga.
Ang nagmaniho sa Ford Everest mao si Rhenz Jay Estrera,25 anyos ang panuigon, taga Baragay Upper Tulay, Lungsod sa Minglanilla.
Sa gihimo nga imbestigasyon sa Minglanilla Police Station nga ang mga biktima paingon sa norte nga bahin samtang nagbiyahi sila kalit lang ni guho ang pick -up ug ni liko dayon nga ni resulta sa ilang panag bangga.
Sa kakusog sa dagan nangalagpot ang sakay sa motor og nakalas ang driver.
Sa pagkakaron gihimo pa ang dugang imbestigasyon sa kapulisan sa maduguong aksidinte sa kadalanan. (Renante Lada, photo courtesy of MITCOM)