Cebu City – Ang Mandaue City Public Employment Service Office, mga lokal nga kumpanya ug overseas agencies nag malampuson sa ilang Job Fair kagahapon adlawa, Agusto 20, 2022, didto sa Mandaue City Cultural and Sports Complex.
Naglangkob sa 32 ka mga lokal nga kompanya ug 3 ka overseas agencies ang nisalmot sa naasoy nga Job Fair nga gipasiugdahan sa Mandaue City Public Employment Service Office. Nakig alayon usab sila sa Philhealth, SSS ug Pag-ibig aron mas dali mahatag ang mga rekisito sa mga kwalipikado nga mga aplikante.
Sa maong Job Fair gidagsa sa gatusan ka mga nangitag trabaho diin daghan kanila ang na dawat sa lokal ug overseas nga ahensya. Ni suporta usab ang YouthWorks PH sa maong kalihukan diin nanglista sila sa mga aplikante nga gustong mopaubos sa training sa dili pa magsugod ang ilang trabaho.
Gikalipay pag ayo ni Mayor Jonas Cortes ang daghang trabaho nga gitanyag sa mga Mandauehanon. Gitataw sa Mayor nga nagpadayon gihapon ang mga vocational training sa Mandaue City College Technological Entrepreneurials Skills Training Center aron mahatagan og katakus ug kahibalo ang mga Mandauehanon.
(Source: Mandaue City PIO | RSL)