Cebu City – Giinsister ni Cebu City Councilor Joel Garganera nga ang New Sky waste-to-energy (WTE) technology mi agi na ug environmental verification niadtong tuig 2019.
Si Garganera kinsa maoy chairman sa committee on environment, miluwat sa maong pamahayag human ang mga environtal groups nangangkon nga ang WTC facility nga planong ibutang pinaagi sa joint venture agreement (JVA) tali sa New Sky Energy (Philippines) Inc. o NSEPi, maka daut sa kalikupan.
Basi sa Environmental Technology Verification (ETV) nga gihimo sa Department of Science and Technology (DOST) niadtong tuig 2019, sigon pa ni Garganera nga nakita nga ang WTC technology dunay kapasidad pag reduce sa waste volume, produce energy, ug nakatuman sa environmental laws nga gilagda sa Department of Environment and Natural Resources (DENR).
Sa report sa DOST ilang nasuta nga ang WTE technology maka paminus sa garbage volume ngadto sa 91.48 porsento samtang maka generate kini hangtud sa 480.641 KWh/ton sa 1,501.12 ka tonelada nga waste sud sa upat ka adlaw nga pag process.
Nasayran sab ni Garganera nga ang New Sky WTC technology mo operate subay sa standard nga gilatid sa balaud labot sa gas emission monitoring results, effluent characteristics from wastewater ug noise monitoring.
Hinoon, gitataw sa konsehal nga ang WTE dili kini “quick-fix-solution sa syudad ug dili sab kini “mutually exclusive with using an ecological and people-centered approach on solid waste management”.
“I rather see it as a transitionary measure to address our current waste generation of 600 tons a day, our scarcity of land to build up new landfills, and the more substantial risks that we face in operating a dumpsite/landfill,” pasabot ni Garganera.
“I guess we can all agree that solid waste continues to be a huge problem in our city and every day that it goes unsolved, it is another year that we will be filling up our city with trash,” dugang sa opisyal.
Alang niini nga ang proper waste segregation dili kini masulbad overnight.
Gihimong sanglitanan ni Garganera ang mga nasud sa Denmark, France, Netherlands ug Japan nga dunay high environmental performance index, nga padayong ni adopt sa WTC facilities sa waste segregation ug recycling.
“In fact, this project will serve as a conduit as we continue to impose strict measures of segregation at the grassroots level and slowly change the lifestyle and habits when it comes to waste disposal,” dugang mensahi niini.
Gawas pa niana, nagkanayon si Garganera nga ang WTC Technolog, maka sulbad sab sa kakuwang sa supply sa kurente sa syudad taliwa sa epekto sa gubat tali sa Ukraine ug Russia, nga miresulta sa sunod sunod nga pagsaka sa presyo sa fuel, ug gi expect sab ang kurente.
Pinaagi niini, gikonsidera ni Garganera ang WTC technology nga dugang bonus tungod ka yang syudad way kaugalingong source sa power.
Samtang, sa ilang bahin, si environmentalist Lito Vasquez nangayo ug minutes sa public hearings, evaluation reports gikan sa Joint Venture Selection Committee (JVSC) o gikan kang Konsehal Raymond Alvin Garcia kinsa maoy proponent sa resolution nga nangtinguhang mohatag pagtugot kang Mayor Michael Rama sa pagpirma sa JVA tali sa New Sky.
“If prior public hearings were done by the JVSC, where are the minutes? Plus the evaluation report from the JVSC, or from the sponsor of the resolution, or from the Committee on Environment to show the deal is advantageous?,” matod ni Vasquez.
Lakip sab sa gi kwestyon sa environmentalist ang gikinahanglan nga environmental compliance certificate (ECC) pagsiguro nga dili maka guba sa kalikupan ang maong proyekto.
Alang ni Vasquez, maisip nga giangkon ni Garcia nga ang maong kasabotan gi aprobahan bisan kon wala niini sutaa una ang overall impact sa proyekto.
Ang ECC mao ang dokumento nga i issue sa DENR-EMB nga magtugot sa proposed project nga makapadayon sa sunod nga ang-ang sa project planning; nga mao ang pagpangayo ug approval sa ubang government agencies o LGUs, ug human niini mao na ang pagsugod sa project implementation. (Jhon Tadlip)
(News & photo courtesy of Cebu City Council)