Cebu City – Gibutyag sa project proponents sa Cebu Bus Rapid Transit (BRT), Lunes, Septembre 26, ang ilang tinguha nga pag launch sa ilang partial operations sud sa tuig 2023.
Kini ang gipahibaw sa mga representanti sa Cebu BRT Project Management Office sa Department of Transportation (DOTr) atol sa labing unang Mobility Summit sa Dakbayan sa Sugbo.
Matod ni Engr. Norvin Imbong, officer-in-charge sa Cebu BRT Management Office nga ang ilang bag-ong target nga mahimong partially operational ang proyekto sa ika upat nga quarter sa 2023.
Ang BRT maoy usa mga proyekto nga gi proposed nga mag sulbad sa grabeng problema sa traffic sa Metro Cebu.
Una kining gikonsidera isip “stand-alone” solution, hangtud nga nahimong kabahin sa Metro Cebu Inter-Modal Transportation System (MCIITS).
Ang MCIITS naglakip sa cable-car ug monorail proposals.Gikonsidera sab ang Cebu Integrated Bus Servie (CiBUS) nga “pre-cursor” sa BRT.
Niadtong unang bahin sa 2022, gisugdan sa DOTr, ang pag earthball sa kapin 200 ka mga kahoy nga maagian sa proyekto nga maoy timailhan sa ila nang pagsugod.
Ang ₱ 17 billion bus-based transportation project naka secured sab ug multi-million dollar loans gikan sa international financial institutions, pero gamay pa lang ang nagamit sa pondo.
Gitumbok nga hinungdan sa kalangan sa implementation sa Cebu BRT naglakip sa pag usab usab sa desinyo, mga rota ug road right-of-way. (Jhon Tadlip)
(Source: Cebu BRT Management Office, photo courtesy of DOTC)