𝐂𝐀𝐏𝐈𝐓𝐎𝐋 𝐍𝐀𝐆𝐏𝐀𝐃𝐀𝐋𝐀 𝐎𝐆 𝐇𝐄𝐀𝐕𝐘 𝐄𝐐𝐔𝐈𝐏𝐌𝐄𝐍𝐓 𝐀𝐋𝐀𝐍𝐆 𝐒𝐀 𝐂𝐋𝐄𝐀𝐑𝐈𝐍𝐆 𝐎𝐏𝐄𝐑𝐀𝐓𝐈𝐎𝐍𝐒 𝐒𝐀 𝐋𝐈𝐋𝐎𝐀𝐍

Nagpadala ang Cebu Provincial Government og mga heavy equipment ngadto sa mga Barangay Cotcot ug Jubay sa Liloan aron mapadali ang clearing operations human sa grabe nga pagbaha nga gidala sa Bagyong Tino sa maing lugar.

Gipadala sa Kapitolyo ang usa ka fleet sa payloaders, dump trucks, ug water tanker aron limpyohan ang mga dalan ug kabalayan nga napuno sa lapok ug debris gikan sa pagbaha sa Cotcot River.

Ang maong aksyon gisunod dayon human madawat sa Kapitolyo ang hangyo sa mga residente nga nagkinahanglan og immediate assistance tungod sa baho nga gikan sa lapok, basura, ug mga patay nga mananap nga nabilin human sa baha.

Gawas sa mga makina, ang Kapitolyo usab nagpadala og pagkaon, bottled water, tulo ka water tankers, ug uban pang relief supplies alang sa mga apektadong pamilya.

Matod ni Gob. Pamela Baricuatro, kini nga kalihokan kabahin sa padayong paningkamot sa probinsya nga matabangan ang mga local government units nga dali makabawi ug mabalik ang normal nga kahimtang sa ilang mga komunidad.

I via Renante Socia Lada