Gisugo ni Cebu Governor Pamela S. Baricuatro, ang mga bag-ong gipili nga Chairperson sa Regional Development Council (RDC) sa Central Visayas, ang RDC Infrastructure Committee nga unahon ang pag-apil sa Integrated Water Management System para sa tibuok probinsya sa Sugbo.
Matod ni Gobernadora Baricuatro, tukion kini nga lakang sa umaabot nga miting sa RDC isip preparasyon sa iyang pagpangayo og suporta ug pondo gikan sa national government sa iyang pakigkita kang President Ferdinand R. Marcos Jr. sa MalacaΓ±ang karong Nobyembre 26.
Gipasabot sa gobernadora nga ang bag-ong mga pagbaha nga nakaigo sa Sugbo resulta sa usa ka βenvironmental explosion,β diin ang tubig gikan sa mga watershed sa kabukiran sa Sugbo mibaha ngadto sa ubos nga mga lungsod. Giingon niya nga malikayan unta kini kung gipatuman pag-ayo ang Metro Cebu Integrated Flood Control and Drainage Master Plan.
Dugang pa niya, kini nga isyu gibanhaw usab atol sa miting ni Presidente Marcos ug Secretary Vince Dizon uban sa mga mayor sa probinsya sa Kapitolyo sa niaging Biyernes. Sa maong miting, nagpasalig ang MalacaΓ±ang ug lokal nga mga opisyal sa pagtinabangay aron mapatuman ang plano ug mapalig-on ang long-term resilience sa rehiyon.
Aron masiguro ang koordinasyon ug panaghiusa sa tanang sektor, plano ni Gobernadora Baricuatro nga magpatawag og Stakeholdersβ Summit ug Environmental Summit, diin magtapok ang mga LGU, nasyonal nga ahensya, ug private partners alang sa usa ka tinagsa nga implementasyon sa province-wide water management system.
I via Renante Socia Lada