General Santos City – General Santos City Police director Col. Alexis Yap nanghinaut nga sama niadtong pagsugat sa Pasko mamahimo usab nga generally peaceful ang pagsugat sa bag-ong tuig.
Nasayran nga atol sa pagsugat sa pasko, walay natalang unsa mang krimen sa GenSan butang nga gikalipay sa han-ay sa kapulisan sa syudad.
Gumikan niini, awhag ni Col. Yap ngadto sa katawhan nga imintina ug ipadayon lang ang kooperasyon sa awtoridad aron nga mamahimong hapsay ug malinawon gihapon ang pagsugat sa bag-ong tuig.
Dugang pagbutyag ni Police Col. Alexis Yap nga dapat ipatigbabaw sa katawhan ang paghimugma, respito sa matag usa ug pagmalasakit.
Likayan ang malambigit sa unsa mang komplekto ug disgrasya ug sugaton ang bag-ong tuig nga malipayon uban sa ilang pamilya.
Keywords: General Santos City Police Office (GSCPO), Police director Col. Alexis Yap, generally peaceful in 2023.
(Source: GSCPO)