Otro ya tamen Zamboangueño atleta el ya gana medalla na in competicion internacional de deportes.
Ele si Clemente Tabugara, quien ya gana medalla de plata na “Men’s Sanda 65-kilogram Category” durante el “2023 World Combat Games” del Domingo na Riyad, Kingdom of Saudi Arabia.
Asegun con el oficina de informacion del govierno local, si Tabugara uno del cuatro miembros del “Philippine Wushu Team” quien ya gana ya mga medalla during the competicion.
El World Combat Games ya principia del Octubre 20 y ay termina na Octubre 30.
Si Tabugara un residente de Sitio Luyahan, Barangay Pasonanca, en este ciudad.
El Alcalde John Dalipe ya expresa alegria hablando cay tiene ya tamen otro Zamboangueño atleta el ya dale nombre con el ciudad y pais na deportes.
(B. Garcia, photo courtesy of John Dalipe Facebook Page)
