Cagaya de Oro – USA ka executive order ang gipagula ni Mayor Rolando “Klarex” Uy bag-ohay lang nga maoy gabayan sa paghandum ug pagsaulog sa ‘Kalag-Kalag 2023’ ning syudad.
Basi sa EO 332-2023, bukas lamang ang mga sam-ang o sementeryo sugod alas 6:00 sa buntag hangtud alas 10:00 sa gabii, ug gidili pa gihapon ang ‘overnight stay’ sa maong mga lugar.
Lakip sa guidelines mao ang pagdili sa ilimnon makahubog sulod ug palibot sa sementeryo ug ipatuman usab ang ‘No Smoking Policy’ sulod niini.
Wala usab gitugot ang pagdala og mga sound system, speakers, posporo, lighter, mga mahait nga hinagiban sugod sa Oktubre 31 hangtud Nobyembre 2.
Samtang, giaghat pa gihapon ang mga tagdumala sa mga public ug private cemetery nga sundon kanunay ang minimum public health standards ilabina ang pagsuot sa facemask ug pagbutang og mga handwashing areas alang sa mga mobisita.
Subay niini, gimandoan ni Mayor Klarex ang Incident Management Team, CDRRMD, Bureau of Fire Protection, kapolisan, ingon man ang barangay sa istriktong pagpatuman niining mga gabayan.
News and photo courtesy of CIO CDO