El Zamboanga City Water District (ZCWD) ya comensa ya con el proyecto de reemplazo de linea principal para reemplaza con el daan tubo con nuevo na pueblo.
Si Reynaldo Cabilin, el administrador general del ZCWD, ya habla cay finalmente hay reemplaza ya sila con el mga cien años tubo na pueblo.
Asegun con Cabilin, el gobierno local ya dale el P58.4 million fondo para na implementacion del proyecto.
Asegun con Cabilin, el mga tubo que hay reemplaza el ZCWD locao na Barangays de Zone 1, 2, 3, 4, y na Sta. Catalina.
Si Cabilin ya habla, el reemplazada del mga daan tubo amo hay resolve con el problema de liquing que amo el causa del grande perdicion del ZCWD.
Si Cabilin ya habla, el trabajo del proyecto hay hace durante el noche para hinde afecta con el trafico del mga vehiculo. (B. Garcia)