El Zamboanga City Police Office (ZCPO) ya organiza “Task Force Yuletide 2023” para asegura el efectivo y eficiente el implementacion de seguridad durante el Pascua aqui na ciudad.
El organizada del task force de conformidad na declaracion y ponida con el fuerza del policia bajo el estado de “blue alert” na entero pais durante el pascua.
Si Coronel Alexander Lorenzo, el ZCPO Director, amo el ta encabesa con el Task Force Yuletide 2023.
Asegun con Tiniente Coronel Paul Andrew Cortes, el portavoz del ZCPO, el plano de seguridad ta concentra na mga istrategia como el conducida del patrulla ng mga lugar publico y otros lugar donde mucho hente ta anda para mga actividades de Pascua.
Parte del medidas de seguridad el ponida de mga “assistance desk” ng mga lugar ta anda mga vivientes como aeropuerto, pantalan, y parada de mga vehiculo de pasajeros.
Asegun con Cortes, incluido tamen el designacion del mga personajes na mga camino principal y agresivo operacion de implementacion de ley. (B. Garcia, photo courtesy of ZCPO)
