Total de 75 reservistas militar el ya atende con el un dia “Planning and Development Workshop” na quartel del Western Mindanao Command (Westmincom) aqui na ciudad, asegun con el militar del Martes.
El Westmincom ya habla, el workshop ya hace na “La Solidaridad Hall” na quartel del Westmincom na Campo Don Basilio Navarro na Barangay Calarian, en este ciudad, del Sabado.
El mga participantes del actividad amo mga reservistas desde el components de reserva del Westmincom desde’l Navy, Army, Air Force, and Marines.
Asegun con Tiniente General William Gonzales, el comandante del Westmincom, el mando completamente sa suporta con el actividad que ta asegura preparao el mga reservistas sirvi durante mga amensaso y emergencia na mga lugar bajo’l jurisdiccion del Westmincom.
El conducida del actividad ya facilita el oficina del Assistant Chief of Unified Command Staff for Reservist and Retiree Affairs del Westmincom.
(B. Garcia, photo courtesy of Westmincom PIO)