El Western Mindanao Command (Westmincom) ya conduci “Wellness Caravan Services 2024” cay el mando ta dale valor con el bienestar del mga uniformao y hinde uniformao personajes, asegun con el militar del Jueves.
Asegun con el Westmincom, el caravana, que ya conduci del Martes na Campo Basilio Navarro, es parte del actividades de pre-aniversario del mando.
El mga libre servicios ya hace durante el caravana ya inclui cirugia menor, examin de ojos, kitada de verrugas, examin de glucemia, signos vitales, consultacion medical, servicio de Pag-IBIG y de GSIS.
El Westmincom ya proporciona tamen libre cortada de pelo para de hombre y mujer, programa de alimentacion, plano de familia, servicio de kitada de pumada, y distribucion de kits de hygiene.
Aparte del personajes militar y recursos humanos civiles, ya extende tamen el Westmincom libre servicios con el de ila depencientes.
Asegun con Tiniente General William Gonzales, el comandante de Westmincom, el celebracion del aniversario de fundacion obedietemente ta reconoce con el mga gentes na detras del vigor del comando de Mindanao Occidental.
El Westmincom hay celebra el aka-18 aniversario de fundacion na Agosto 28. (B. Garcia)