El Ministerio de Asentamientos Humanos y Desarollo del Bangasamoro Autonomous Region in Muslim Mindanao (MHSD-BARMM) oficialmente ya entrega 100 nuevo construido casa na Barangay Pindolunan con el gobierno municipal del Saguiran, Lanao del Sur, asegun con el MHSD-BARMM del Jueves.
Asegun con el MHSD-BARMM, si Ministro Hamid Aminoddin Barra del MHSD amo el ya encabesa con el evento que ya hace del Domingo, hablando que el ceremonia del entrego amo el primer vez na provincia como parte del celebracion del semana de MHSD.
Asegun con Barra, el construida del permanente casa para del mga vivientes na region autonomo es prioridad del BARMM cay mucho residentes el ya desplaza na de ila comnunidades por causa de antes conflicto y calamidades.
“Ta comenda came con el gobierno municipal de Saguiaran que ya asegura cay el proyecto hay implementa eficientemente. Ahora, puede came dale este mga casa cada familias quien ta merece tene casa,” ya habla si Barra.
El Alcalde Jalalodin Angin del Saguiaran, ya expresa su gratitud con el gobierno del BARMM cay ya dale canila el proyecto de casa.
Con el actividad de entrego del mga casa ya atende mga alto funccionarios del region autonomo, municipio de Saguiragan y Barangay Pindolunan. (B. Garcia)