Un welder el ya aresta el maga pulis na campanya contra juego illegal del ayer na Barangay Ayala, este ciudad.
Si Major Ramon Aquiatan, el hefe del Zamboanga City Pollice Office’s Station 9, ya nombra con el arestao suspechao como si Romel Danag, sincuenta’y dos años el edad.
Asegun con Aquiatan con Danag ya puede aresta cuando ya man raid maga operativas del Station 9 con un tarian maga alas onse y media del aga, ayer dia de Domningo, na Zone 8, Barangay Ayala, na costa iste del ciudad.
El losdemas maga jugador, quien ya istindi para diferente direccion, ya puede escapa.
El maga pulis ya puede confisca dos gallo y sen de apuesta na cantidad de tresientos pesos. (B. Garcia)