Alas cuatro veinte del ayer tarde, El Police Station 3 ya recivi lamada na un concierne persona cay tiene Vehicular Accidente ya occuri na MCLL Highway, Barangay Cacao, Este ciudad.
Asegun con el Pulisiya local embuelto na tal accidente cehicular el un Piaggio Tricycle con temporaryo placa numero 090106 que ta maneha si Randy Astang y Idlana, cuarenta anios el edad, huntu con el mencionao driver del Piaggio su maga pasahero identificao como canda untal Al, seis anios el edad (dead on arrival); Soraya Astang y Idlana, treynta’y siete anios, Shaina Astang y Idlana veinte sinco anios; Syrina Astang y Idlana, veinte dos anios; Shinoh Novvel, deci-seis anios, Jerp Astang y Idlana, dies anios todo maga residente de Calle Logoy , Barangay Talon Talon Este ciudad.
Base na investigación del Police Station 3, estaba el Piaggio Tricycle na Vernel Farm Resort locao na Barangay Cacao Ciudad de Zamboanga. Cuando ya liga na portion donde kebrantao asigun el camino , ya perde preno el vehículo y ya man bangga na pono del Palo.
Con el maga victima ya lleva core na Zamboanga Peninsula Hospital para el curada medical. El con el vehiculo embuelto na accidente ya lleva na Police Station 3 para el propio despositionin.
Con Al-Naif Astang y Idlana declara muerto cuando ya liga na Hospital maga Alas cuatro cuarenta’y tres del ayer este asigun con el su Attending Physician, Lovleen Alfaro. (April Boy Regino)