El Police Station 7 ya recivi lamada des de con un tal Judith Villarta, quien ya reporta que tiene un quema el ta ocuri na Luyahan Elementary School, Brgy. Pasonanca,en Este Ciudad, del ayer medya dia.
El Police Station 7 ensigidas ya coordina na Bureau of Fire Protection (BFP), Sta. María Sub-Station y ya responde na reportao lugar del incidente.
Asigun na partial report, ya proncipya el quema na bodega del mencionao escuela que echo de palo.
Cuando ya liga na escuela ya puede con este apasigua el miembro del Bureau of Fire Protection y declara con este fire-out ya, Maga ala una quiense del ayer tarde. Nohay reportao casualties na insidente.
Asegun con el Bureau Fire Protection tiene quien ya ase puquera y Nohay asigun con este bisya o apaga hasta ya man calayat el fuego. Ya alkansa na veinte mil de pesos el valor del destroso. (April Boy Regino)