Un “watchlisted” suspechao el ya aresta mga autoridad na in campaña contra droga ilegal aqui na ciudad de Zamboanga, asegun con el policia local del Jueves.
El policia local ya habla con el arestao suspechao ya conose como si Glenn Mark Araneta, 21, un residente de Purok 1, Barangay Sangali, en este ciudad.
Asegun con el policia, con Araneta ya aresta na un “buy-bust operation” mga alas 9 del Miercoles denoche na Sitio Daap, Barangay Sangali, en este ciudad.
Ya puede confisca na posesion del arestao suspechao un gramo de suspechao shabu que tiene el valor de P6,800, un portamoneda, y P200 markao sen.
Asegun con el policia, ya detene con el arestao suspechao en preparacion para el plantada del formal asunto por violacion del Comprehensive Dangerous Drugs Act of 2002.
(B. Garcia)
