Pasada alas seis del noche de ayer, el personahes del ZCPS10 na liderato di PSSg Anwar K. Mesinas hunto con el TSC RFMB9, 2nd ZCMFC (Seaborne) y 3rd and 4th Maneuvering Platoon na liderato di PLT Joey S. Cordero ya conduci un law enforcement operation contra con un wanted persona na Governor Lim Avenue, en este ciudad.
El operacion ya reulta na aresto di Miguela Ramos Alfonso Medina, sesenta’y sinco años de edad, mujer, byuda y residente de Zone 5, Barangay Tigbalaga en este ciudad por medio de un pendiente orden de aresto por el krimen de Falsification of Public Document baho na Article 172 del Revised Penal Code con criminal case no. de 50526 y recomendao pyansa valor de trenta’y seis mil pesos.
El arestao persona ta esta ya awra baho na kustodiya del ZCPS10 por el propyo entrego del asunto na concierne jusgado. (Erica B. Javier)
