- Advertisement -
Na liderato di Police Surgent Ronald Cordero hunto con el Police Station 6 (PS6), un Joint Law enforcement operation el ya conduci y ya resulta na aresto del un wanted persona na Barangay Tetuan, en este ciudad del Byernes.
Asegun con el report del PS6, con el wanted persona ya conose como si Mary Grace Ebina Abellanosa, cuarenta’y cuatro años de edad, un residente del Barangay Del Carmen, Ciudad de Iligan.
Con Abellanosa asegun ya cuji por medio de un orden de aresto por el krimen de Estafa con sesenta’y seis mil de pesos piansa.
Si Abellansa ta esta ya ahora baho na custodiya del Zamboanga City Mobile Force Company para el propyo entrego del suspechao na jusgado. (Erica B. Javier)
- Advertisement -
