Un myembro de un sindicato envuelto na bendida de droga ilegal ya aresta el pulisiya anoche na Barangay Kasanyangan, este ciudad.
El Police Station 6 ya nombra con el arestao suspechao como si Nuralden Adjarae alias Den, cuarenta’y ocho anios el edad y un myembro del Ahakim Hassan Drug Group.
Maga pulis ya puede recubri desde’l posesion de Adjarae suspechao shabu que tiene el valor de treynta’y siete mil cuatro sientos pesos envolvido na siete pakete de plastic.
El arestao suspechao detenido ahora na Police Station 6 myentras ay planta contra conele el asunto por violasion de ley contra uso de droga ilegal. (April Boy Regino)