Alas cuatro curenta’y seis del ayer tarde petsa trese, dos mil veinte dos. El operativa del Police Station 9 que ya encabesa si PLT Mohaliden Layuganya, baho na supervision di Pmaj Ramon Aquitan Jr. ya conduci operacion contra juego ilegal mas conosido como “tong-its” na Zone 8, Martine’s drive, Brgy Ayala en este ciudad.
El maga personahes del Pulisiya ya aresta con el suspechao nombrao como si Roselyn Villanueva Flores, sincuenta’y tres anios casao, un care taker y residente del Purok 5, Barangay Talisayan mientras el otros pa dos personas ya puede escapa durante el operacion.
El Police Station 9 ya puede confisca durante del operacion un set de baraha, y sientos veinte sinco de pesos valor sen de apuesta.
Presentamente el suspechao detenido na kwartel del Police Estacion 9 y el maga ya acaba confisca por el propio desposition. (Aprilboy Regino)