Si John Cyrus Borce ya captura bronse medalya y un gold medalya na Individual and Team Standard Event respectaomente para con el 14 and Under Boys Category na 6th Eastern Asia Youth Chess Championship que ya hace na Bangkok, Thailand.
Este asegun el ika-cuatro y sinco medalya di John, adicional na maga medalya que ya gana le na semejante tournament. El jovencito ya pwede ya kolekta total de sinco medalya, dos gold, dos silver y uno bronse.
Mientrastanto, si Cyreine Jean Borce ya carga con el Team Gold Medal na Standard Event para con el 10 and under Girls Category na semejante championship.
El govierno lokal ta ekspresa enhorabuena con el atleta del ciudad y con aquellos maga Zamboangueño achievers na 6th Eastern Asia Youth Chess Championship que ya hace na Bangkok, Thailand. (Erica Javier, photo courtesy of City Government of Zamboanga Facebook page)