Zamboanga: Un ‘dummy’ bomba ya recubri na Tipo-Tipo

0
5

El 101st Infantry Brigade ya clarifica del Miercoles cay hinde verdad ya encontra un bomba na municipio del Tipo-Tipo na provincia de Basilan.

Asegun con el 101st Infantry Brigade, el cosa ya encontra amo un “dummy” o un cosa que ya ase forma igual como un bomba.

Con el dummy bomba ya encontra serca na un estacion del policia na municipio del Tipo-Tipo mga alas 10 del Martes aga.

Asegun con el 101st Infantry Brigade, el mga personajes del “bomb squad” ya recubri in botella conectao na un celpon, pero hinde este un real bomba.

El 101st Infantry Brigade y el policia ta investiga para determina si quien el ya pone el un dummy bomba serca na estacion del policia.

El 101st Infantry Brigade ta apela con el mga Basileños para esta firmi vigilante y reporta na autoridad el presencia del mga suspechoso personas na de ila comunidad. (B. Garcia)

Leave a Reply