30.9 C
Manila
Friday, March 29, 2024

Zamboanga: Un ‘Bomber’ del BIFF muerto na encuentro contra con maga soldao

- Advertisement -

Un alegao bomber del Bangsamoro Islamic Freedom Fighters (BIFF) el ya muri y otro uno a captura maga soldao despues del un encuentro Biyernes aga alla na provincia del Maguindanao.

Visit RPN DXXX Zamboanga

Asegun con Tiniente Heneral Alfredo Rosario, hijo, comandante del Western Mindanao Command (Westmincom), cay con el muerto bomber del BIFF a conose como si KHamhed Akan Kambal alias Mhed, conosido ta ase maga bomba y siguidores del Dawlah Islamiya bajo na faccion del grupo de Hassan que ta encabesa si Alpha King.

El capturao BIFF ya conose como si Nasrudin Sali Blah, treynta’y dos anios el edad y residente de Barangay Tuayan, Ampatuan, Maguindanao.

Si Rosario ya habla cay ya susede el encuentro cuando el maga soldao del 40th Infantry Battalion ya puede encontra con el grupo de King myentras ta conduci un ofensiva na Barangay Dicalungan, Ampatuan, Maguindanao.

Maga soldao ya puede recubri dos bomba, un caurenta’y sinco pistola, maga cosas para ase bomba y otro maga cosa personal.

Asegun con Rosario cay con el resto de Kambal ya entra con el maga oficiales del Barangay Dicalungan (Bong Garcia, Jr., photo courtesy of WestMinCom)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -