Zamboanga: Police, soldao ya confisca smuggled cigarillo na Divisoria

0
0

Maga personajes del Police Station 5 hunto con maga soldao ya aresta dos personas y confisca valor de siento setenta’y sinco mil de pesos smuggled cigarillo anoche na Barangay Divisoria, este ciudad.

Visit RPN DXXX Zamboanga

Asegun con Major Ramon Aquiatan, hefe del Police Station 5, con el dos arestao personas ya conose como canda Wahud Jamalul Abubakar, treynta’y ocho anios el edad, y su primo, si Almujer Ayob Jimlah, veinte siete anios, ambos maga residentes de Mampang, este ciudad.

Asegun con Aquiatan cay ta conduci sila checkpoint cuando ya ase sila para un vehiculo ta maneja si Abubakar y hunto conele si Jimlah.

Si Aquiatan ya habla cay el vehiculo ta maneja si Abubakar tiene ta carga cigarillo valor de siento setenta’y sinco mil de pesos sin el necesaryo documento.

Si Aquitan ya habla cay el dos persons, vehiculo y contrabando ya entrega ya na Buro de Aduana para el propio action. (April Boy Regino, photo courtesy of ZCPO)

LEAVE A REPLY

Please enter your comment!
Please enter your name here