Un empleyado de un compania de construccion el ya muri y otro uno el irido na un accidente vehicular envuelto un “truck mixer” na provincia de Basilan, asegun con el policia.
El policia ya habla, el accidente ya ocuri del Viernes na Barangay Lanote, ciudad de Isabela, el capital del provincia de Basilan.
El policia de Isabela ya nombra con el fatalidad como si Henryval Montano, 18, el pajinante del truck mixer y residente del Barangay Kumalarang, Isabela City.
Con el irido ya nombra el policia como si Raymond Alvarez, 34, el chufer de truck mixer.
Base na investigacion, ta maneja si Alvarez para na direccion del Barangay Menzi cuando ya man baliskat el truck mixer por causa de problema mechanical.
El dueño del truck mixer es un privado compania de construccion que tiene proyecto na Barangay Menzi, ciudad de Isabela. (B. Garcia)