Total de P11 millon valor de incentivo dinero el ya distribui el gobierno local con 5,140 personas mayores de cuatro barrio del Miercoles y Jueves aqui na ciudad.
Asegun con el oficina de informacion publico del City Hall, aquellos quien ya recivi incentivo dinero amo mga personas mayores desde mga barrio de Pangapuyan, Talon-Talon, Tetuan, y Tigtabon.
Asegun, 2,417 del total recipientes de 5,140 amo mga residentes de Talon-Talon, 2,434 de Tetuan, 181 de Tigtabon y 108 de Pangapuyan.
Cada uno del mga recipientes ya recivi P1,000 que ta representa el incentivo para el period del primer cuarto del año.
Asegun con el oficina de informacion publico, el distribucion del incentivo dinero ya encabesa el Alcalde John Dalipe.
Hunto con el alcalde amo mga personajes del oficina del tesoreria del ciudad y del Oficina del Ciudad de Bienestar Social y Desarollo. (B. Garcia)