El mga soldao exitosamente ya recubri y correctamente ya dispone con un dispositivo explosivo improvisado, o IED, na provincia del Maguindanao del Sur, asegun con el militar del Miercoles.
Asegun con el militar, con el IED correctamente ya dispone el mga tropas del Bravo Company del 33rd Infantry Battalion (33IB) hunto con el mga personajes del 32nd Explosive Ordnance Disposal (EOD) del Domingo.
Asegun con el 33IB, con el IED ya recubri na aliviadero de irigacion del Domingo na Barangay Malingao, Shariff Agual, Maguindanao del Sur.
Asegun con el 33IB, antes que correctamente ya dispone con el IED, el mga oficiales de Barangay Malingao ya informa con mga autoridad cay tiene cosa ya rebenta na lugar que ya causa lingasa con el mga residentes sobre el seguridad publica.
Despues el verificacion dentro del lugar de explosion, ya econtra con el IED y inmedietamente ya asegura con el perimetro el Bravo Company del 33IB mientras el grupo del EOD ya evalua el situacion y ya prepara para el disrupcion del IED.
Asegun con el 33IB, el IED hacido de 81-milimetro mortar y tiene clavo de concreto como metralla y deseñao como comando detonado usando transmisor de radio. (B. Garcia)