Tres personas el ya aresta el fuersa del pulisiya na un campanya contra droga ilegal del lunes alla na municipio de Bongao na provincia del Tawi-Tawi.
El pulisiya del municipio del Bongao ya nombra con el tres arestao suspechao como canda Rosalino Balasing Israil, Recto Dalimanis Lukatsaro, and Alnasir Kirah Sahirin.
Canila tres ya aresta del lunes aga na Barangay Pag-Asa na municipio del Bongao.
Asegun con el pulisiya ya puede recubri na de ila posesion dos punto seis gramos de suspechao shabu con el valor de deci-siete mil seis sientos pesos.
El tres suspechao detenido ahora na quartel del pulisiya del Bongao y ay enfrenta sila asunto por el violasion del Comprehensive Dangerous Drugs Act of 2002. (Bong Garcia, Jr., photo courtesy of PROBAR)