Ya aresta con un trabajante de construccion quien incluwido na “watchlist” del otoridad na campanya contra droga ilegal aqui na ciudad de Zamboanga.
El hefe del Zamboanga City Police Station 11 (ZCPS11), Police Major Albin Cabayacruz ya nombra con el arestao suspechao como si Jomar Fernandez, 40 años el edad.
Si Cabayacruz ya habla cay con Fernandez ya aresta na un “but-bust operation” mga ala 1:38 del aga del Biyernes na Toribio Drive, Barangay Pasonanca, este ciudad.
Asegun con Cabayacruz cay si Fernandez clasificao como un “Street Level Individual” y incluwido na watchlist del campanya contra droga ilegal.
Si Cabayacruz ya habla cay ya puede confisca na posesion de Fernandez dos gramos de suspechao shabu enpaketao na 10 diutay pakete de plastic con el valor de P13,600, un pitaka, y 200 markao sen.
Con Fernandez ya detene na carcel del ZCPS11 en preparacion para el plantada del formal asunto encontra conele. (B. Garcia, photo courtesy of ZCPS11)