El “Tricycle Adjudication Board (TAB)” ta accepta ya ahora aplicacion para el renovacion de franquicia para el año 2024 at Centro Latino, Paseo del Mar, en este ciudad.
Asegun con el anuncio del City Hall, el TAB abierto desde alas 8 del aga hasta alas 8 del noche Lunes hasta Viernes y alas 8 hasta alas 5 del tarde na mga dias de Sabado y Domingo desde Enero 2 hasta Enero 20, este año.
Desde’l original lugar na Oficina Legal del Ciudad na City Hall, el TAB ya move para na Centro Latino y ta opera junto con el “Business One Stop Shop (BOSS)”, un mecanismo que ta pone junto todo concierne agencias na un lugar para el registracion y renovacion del mga permisos comerciales para el año 2024.
Como el pasao año, mas de 5,000 operadores de triciclos el esperansao renova de ila franquicia este año.
El gobierno local ta llama con todo franquiciados para renova de ila franquicia este año y Evita con el renovao campaña que hay implementa inmediatamente despues del periodo de renovacion.
(B. Garcia, photo courtesy of Tricycle Adjudication Board (TAB))