34.3 C
Manila
Tuesday, April 16, 2024

Zamboanga: 14 milicianos ya recivi nuevo uniformes de batalla

- Advertisement -

El 101st Infantry Brigade ya distribui nuevo uniformes de batalla con mga milicianos que ta guardia mga instalaciones vitales na provincia de Basilan.

El distribucion del nuevo uniformes ya encabesa si Brigadier General Alvin Luzon que ya conduci del Miercoles.

Asegun con Luzon, total de 14 milicianos el ya recivi nuevo uniformes de batalla quien designao na mga instalaciones vitales na ciudad de Isabela provincia de Basilan.

Asegun con Luzon, el objeto del distribucion de nuevo uniformes para presentable y aparece pirmi sila preparao rindi servicio para asegurao el paz y seguridad del provincia de Basilan.

Durante el distribucion del nuevo uniformes, ya acompania con Luzon canda Tiniente Coronel Bernard Samin, el comandante del 4th Special Forces Battalion y si Tiniente Coronel Adolf Ian Garceron, el oficial ejecutivo de batallon.

(B. Garcia, photo courtesy of 101st Infantry Brigade)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -