El mga personajes del “Tricycle Adjudication Board (TAB)” de estrictamente ta inspecciona antes que renova con el franquisa del mga triciclos aqui na ciudad.
Este ya vene despues que el Alcalde John Dalipe ya diriji con Niño Jay Jimeña, el inspector de TAB, para chekya enbuenamente con mga defecto del mga triciclos antes que renova con el franquisa como un importante manera para el securidad del mga pasejaros.
El inspeccion del mga triciclos ta hace na un ancho especio na Paseo del Mar na Barangay Zone 4, en este ciudad.
Asegun con Dalipe, el ancho lugar ta permite con el mga personajes del TAB conduci exhaustivo inspeccion y mas conviniencia tamen para con el mga dueño y chufer del mga triciclos.
Ta alcansa 250 triciclos el ta puede inspecciona mga personajes del TAB cada dia para renovacion de franquisa.
Asegun con el TAB, tiene el total de 5,000 triciclos el ta viaja aqui na ciudad de Zamboanga. (B. Garcia, Photo courtesy of John Dalipe Facebook page)