El 53rd Infantry Battalion del Philippine Army ya imbia escujido personajes para participa na “Incident Command System Training” na ciudad de Pagadian, Zamboanga del Sur.
El training, que ya principia del Lunes hasta Viernes, ya facilita el Municipal Disaster Risk Reduction and Management Council (MDRRMC) del Margosatubig, Zamboanga del Sur con el suporta del oficina regional del Oficina de Defensa Civil.
El capacitacion tiene el objeto para enseña con el mga participantes el basico habilidades y sabidoria si quemodo efectivamente administra incidentes y emergencias.
El comprehensivo y interactivo programa ay cubri diferente temas que ya inclui estrategia y coordinacion entre diferentes agencias que instrumental para na seguridad y mas preparao ambiente.
Al completar el entreno, especranso que ay mejora el eficacia del mga personajes del 53IB na respondida de situacion de crisis. (B. Garcia, photo courtesy of 53IB)