Maga personajes del pulisiya ya confisca valor de siento deci-siete mil siete seintos pesos smuggled gasolina durante un campanya contra smuggling del martes alla na municipio del Sitangkai na provincia del Tawi-Tawi.
Con el smuggled gasolina ya confisca cuando ya conduci patrulya na mar maga personajes del pulisiya despues que ya recivi sila informasion aserca el llegada del un varco de fesca ta lleba maga contrabando.
Asegun con el Area Police Command-Western Mindanao cay ya puede tamen sila aresta con el maestro patron del varco de fesca con quien ya conose como si Wisa Illim, veinte seis anios de edad y residente de Barngay Sipangkot, Sitangkai, Tawi-Tawi.
Asegun con el pulisiya con el maga gasolina que ya pone na onse drum ya confisca siendo un violasion este del ley de aduana del Pilipinas.
El smuggled gasolina estaba na ciudad de Sandakan, na estado de Sabah, Malaysia. (Bong Garcia, Jr., photo courtesy of Area Police Command- Western Mindanao)