El oficina rehyonal del Department of Social Welfare and Development (DSWD) ya recivi un nuevo trak desde el oficina del Senador Christopher Lawrence Go.
El nuevo trak, con el valor de tres punto nueve milyones de pesos, ya llega enantes madrogada na pantalan del ciudad estaba na Manila.
Con el trak ya recivi y inspecciona el abogada Sittie Raifah Pamaloy-Hassan, el director rehyonal del DSWD hunto con el hefe del Crisis Intervention Unit Sitti Aisa Askalani y hefe del supply and property Rolando Cueva.
Asegun con Hassan un grande ayuda el nuevo trak ya recivi sila para na llevada del maga comida y ayuda na tiempo de calamidad.
Si Hassan ya rindi gratitud con el Senador Go por el compre y donasion del nuevo trak con el de ila oficina. (Bong Garcia, photo courtesy of DSWD Region 9 Facebook page)
