Six organisasion de Indigenous Peoples (IP) na cuatro ancestral domain del Zamboanga Peninsula ya recivi proyecto de busca la vida de produccion de baka y carabao desde con el Departamento de Agricultura por medio del programa de Kabuhayan at Kaunlaran ng Kbabayang Katutubo o 4K.
Asegun con el Departamento de Agricultura cay el intevension de busca la vida ta incluwi el suporta de rasa carabao y baka que tiene el total cantidad de tres milyones de pesos.
El beneficiaryo organisasyion de IP amo el maga siguentes: Pegunpumgan Bansa Subanen de Kumalarang; Sitio Glab Magbunlay Association; y el Cogonan Balay Pigyunan Association incorporated del municipio de Labangan, Zamboanga del Sur.
El otro tres beneficiaryo organisasion amo el Pigbogolalan Sog Glupa Pisaka nog Mokogulang incorporated del municipio de R. T. Lim, Zamboanga Sibugay y el Peselubuhan Hetebuan Subanen Rin Sioton y el Peggumpungan Subanen Dito Catipan del municipio de Mabuhay, Zamboanga Sibugay.
Durante el entregada de maga proyectos que ya ase na municipio de R.T. Lim, el maga beneficiaryo ya conduci un ritwal para alarga el companierismo de ila el del Departamento de Agircultura y tambien para asensa el de ila busca la vida.
El ritwal ta significa tamen cay ya accepta y aprecia mucho el maga beneficiaryo con el maga proyectos de busca la vida ya dale canila el Departamento de Agricultura. (Erica B. Javier)