El Departamento del Siyensya y Teknolohiya o DOST na encabesamiento di Undersecretary Sancho Mabborang ya inisya el dalida del cuatro cientos set del maga materyales de eskwela y tsinelas estaba na National Book Store Foundation.
El beneficiaryo del donasion amo el Sto. Niño Elementary School alli na Sitio Migasa, Barangay Sinunuc.
Ademas, el maga maestra y estudyante quien ta anda na eskwela todo’l dia necesita travesa con el riyo deci ocho beses antes llega na skwela, este asegun ta cay ta alcansa na un hora’y medya el caminada.
El DOST ya rindi gracias con el National Book Store Foundation y con Señora Bea Andrea Torres, el director ehecutivo del mencionao companiya por el di ila esfuerso y ayuda con el Sto. Niño Elementary School na Sitio Migasa, Barangay Sinucn. (Erica B. Javier)