- Advertisement -
El maga residentes de Barangay l Sangali y maga sercanos pa maga barangay quien ya benepisya con el COVID – 19 booster vaccination que ya conduci na Sangali Covered Court este dia de Huwebes Setyembre 8, 2022 ya recivi cinco kilo de aroz como parte del booster incentive que initiativa del Alkalde John Dalipe.
El Sangali Covered Court amo unu del maga vaccination sites que ya active este dia de Huwebes donde ya man cater con el maga adults, maga senior citizen para benepisya con el first and second dose y booster shot.
Si Executive Assistant Amado Jr amo el ya representa con el Alcalde John Dalipe y amo el ya supervisa con el distribusyon del aroz. (Cristine Falcasantos, photo courtesy of City Government of Zamboanga Facebook page)
- Advertisement -
