Umabot na sa labing limang libo isang raan animnaput dalawang (15,162) piraso ng fresh chicken eggs ang naipamahagi na ng Sorsogon Nutrition Council sa labing apat (14) na Munisipyo at lungsod.
Ang naturang aktibidad ay bahagi ng Dietary Supplementation Program ng Pamahalaang Panlalawigan para sa mga malnourished children na sinimulan nitong Agosto at magtatagal hanggang Disyembre, ngayong taon.
Target ng ahensya na makapamahagi ng isang raan limamput anim na libo pitong raan dalawampung (156,720) itlog.
May kabuuang isang raan apatnaput apat (144) na barangay sa probinsya ang benepisyaryo ng programa kung saan dalawamput tatlo (23) mula sa Bulan; labing pito (17) sa Sorsogon City; labing apat (14) sa Donsol; labing tatlo (13) sa Matnog at Pilar; labing isa (11) sa Irosin; walong (8) sa Barcelona, Casiguran at Juban; pito (7) sa Castlla at Magallanes; anim (6) sa Prieto Diaz; apat (4) sa Bulusan; tatlo (3) sa Gubat at dalawang (2) benepisyaryo sa bayan ng Sta. Magdalena.
(Source: SPIO)