El Fuersa Naval na Weste Mindanao ya ase subi el ranggo del deci-seis maga reservists del Fuersa Naval base aqui na ciudad de Zamboanga.
Asegun con el Oficina de Informacion Publico del Fuersa Naval na Weste Mindanao cy aquellos maga reservists ya subi el ranggo amo maga personajes del 61st Naval Group Reserve que bajo mando del Naval Reserve Center-Western Mindanao (NRCen-W).
El ceremonya del “Donning of Ranks” ya ase del Domingo na Officers’ Club del Estacion Naval Romulo Espaldon na Calarian aqui na ciudad de Zamboanga.
Si Coronel Jonathan Gabor, el deputy commander del Fuersa Naval na Weste Mindanao para el operacion marino, amo el ya encabesa con el ceremonya por parte de Rear Admiral Donn Anthony Miraflor, el comandante del Fuersa Naval na Weste Mindanao.
Durante el ceremonya, si Gabor ya comenda con el maga reservists de quien ranggo ya subi y ya ase tamen ele acorda canila cay el subida del ranggo tiene ta acompania omento obligacion, sacrificio y responsibilidad.
El maga Navy reservists ta sirvi como omento fuersa del maga regular personajes del Fuersa Naval para el conducida del mision del mando durante el tiempo de paz y Guerra.
El NRCen-WM bajo del Fuersa Naval na Weste Mindanao. (B. Garcia, photo courtesy of Naval Forces Western Mindanao)