Maga personajes del pulisiya ya destrosa valor de nueve sientos mil de pesos siembra de marijuana na un plantasion na provincial del Lanao del Sur.
Asegun con el pulisiya del Lanao del Sur con el plantasion ya destrosa del Lunes na Barangay Bubong, Cadapaan na municipio del Balindong.
Asegun con el pulisiya cay tiene el suma total de cuatro mil quinientos pono de marijuana el que ya aranca y quema na un plantasion que tiene el anchor de sinco mil metro cuadrado.
El pulisiya del Balindong, Lanao del Sur, ta investiga pa para sabe si quien el duenio del plantasion de marijuana.
Asegun cay el maga personjes del Police Regional Office-Bangsamoro Autonomous Region (PRO-BAR) hinde ay descansa hasta todo maga criminal y mal elementos del sociedad ay pone adentro preso. (Bong Garcia, Jr.) (Photo Courtesy Lanao del Sur Police Provincial Office)