Mga personajes del Police Station 11 ya puede confisca veinte mil cuatro sientos valor de droga ilegal y aresta con un persona mga alas cuatro curenta’y nueve del Sabado tarde alli na calle Tomas Claudio, Barangay Zone 3, este ciudad.
Si Tiniente Royland Cordero, del Police Station 11 y quien ya encabesa con el campnya contra drog ilegal ya nombra con el aresta suspechao como si Julhaber Mandangan, treynta’y tres anios el edad y listao como uno del mga mentao drug pusher.
Asegun con Cordero el ya ase sila el buy-bust operation contra con Mandangan despues del cuantos dias bisiada na actividad del suspechao.
Si Cordero ya habla cay ya puede tamen sila recubri na posesion de Mandanga un pakete de cigarillo y dosientos markao sen ya usa na buy-bust operation. (April Boy Regino)