Mga personajes del 1st Zamboanga City Mobile Force Company ya confisca ilegal cortao palo que tiene el valor de onse mil ocho sientos setenta’y sinco pesos alli na Barangay Sibulao, este ciudad.
Si Tiniente Joey Cordero, un platoon leader del 1st Zamboanga City Mobile Force Company, ya habla cay ta man patrulya sila mga alas cuatro y media del tarde ayer cuando ya columbra sila mga cortao palo na Sitio Pat Miagon, Barangay Sibulao.
Asegun con Cordero cay el mga palo, compuesto del cuatro setenta’y sinco board feet, abandonao entray sakatal na mencionao lugar.
Con el maga palo ya lleba el grupo de Cordero para na barrio hall y esperansao con este entrega na Departamento de Media-Ambiente y Recursos Naturales. (April Boy Regino)