Maga personajes del pulisiya y Philippine Drug Enforcement Agency (PDEA) ya aresta con un conosido suspechao drug pusher all na Ipil, Zamboanga Sibugay.
Si Coronel Albert Larubis, Zamboanga Sibugay police director, ya nombra con el arestao suspechao como si Mark Guia, cuarenta’y tres anios el edad.
Asegun con Larubis cay con Guia ya aresta na un buy-bust operation ayer tarde na Purok Doña Aurora, Barangay Poblacion, Ipil, Zamboanga Sibugay.
Si Larubis ya habla cay ya puede recubri na posesion de Guia suspechao shabu que tiene el valor de dies mil dosientos pesos, mil peso markao sen y siento sincuenta pesos entrada na vendida de shabu.
Si Larubis ya habla cay detenido ahora el suspechao pendiente el plantada del formal asunto na jusgado contra con ele. (Bong Garcia)